இயக்குநர் சீனு ராமசாமியுடன் அமரதாஸ் (Woodlands Symphony Theatre) |
நேற்றுத்தான், நண்பர் சீனு ராமசாமியின் 'நீர்ப்பறவை' திரைப்படம் பார்க்க முடிந்தது. தியேட்டரில் தான் பார்க்க முடியவில்லை. நல்ல டி வி டி கிடைக்கட்டுமென்று காத்திருந்தேன். தமிழின் குறிப்பிடத்தகுந்த படம் தான் நீர்ப்பறவை. அது பற்றிய விமர்சனம் தனியாக எழுதப்பட வேண்டியது.
http://www.youtube.com/watch?v=HSKDMUDI0rY
http://www.youtube.com/watch?v=Rn5zFbR8PkI
http://www.youtube.com/watch?feature=player_detailpage&v=GLnfLdiJ4Hw
http://www.youtube.com/watch?feature=player_detailpage&v=w5yqQl0K3g4
நல்ல திரைப்பட இயக்குநராக, 'தென்மேற்குப் பருவக்காற்று' திரைப்படம் மூலம், தன்னை நிலை நிறுத்திக்கொண்டவர் நண்பர் சீனு ராமசாமி. அத் திரைப்படம் பல்வேறு வகைகளில் முக்கியத்துவம் வாய்ந்தது. நான் கொழும்பில் நின்றபோது அங்குள்ள திரையரங்கொன்றில் அது காட்சிப்படுத்தப்பட்டிருந்தது. அதனைப் பார்த்துவிடுமாறும், அண்மையில் வந்த தமிழ்ப்படங்களில் 'தென்மேற்குப் பருவக்காற்று' திரைப்படமும் சற்குணம் இயக்கிய 'வாகை சூட வா' திரைப்படமும் தன்னைக் கவர்ந்திருப்பதாகவும், நண்பரான இயக்குநர் பிரசன்ன விதானகே கூறியிருந்தார்.
தென்மேற்குப் பருவக் காற்று திரைப்படத்தை உடனடியாகப் பார்க்க முடியவில்லை. ஆனால் பார்க்க ஆர்வம் கொண்டிருந்தேன். அத் திரைப்படக் கலைஞர்களுடன் சென்னை திரைப்பட விழாவில் தென்னிந்திய திரைப்பட வர்த்தக சபை திரையரங்கில் அதனைப் பார்க்க முடிந்தது. அதன் இயக்குநர் சீனு ராமசாமி, ஒளிப்பதிவாளர் செழியன் ஆகியோரையும் நடிகர்களான விஜய் சேதுபதி, சரண்யா பொன்வண்ணன் போன்றவர்களையும் வெவ்வேறு சந்தர்ப்பங்களில் சந்தித்து உரையாட முடிந்தது. இவர்கள் எல்லோரும் சமகாலத் தமிழ் சினமாவின் குறிப்பிடத்தகுந்த ஆளுமைகள்.
விஜய் சேதுபதி நல்ல நடிகராக இனங்காணப்படுகிறார். தென்மேற்குப் பருவக் காற்று, பரதேசி உட்படப் பல திரைப்படங்களினூடாக சமகாலத் தமிழ் சினமாவின் நல்ல ஒளிப்பதிவாளராக அறியப்பட்டவர் செழியன். நாயகன் என்ற, தமிழின் குறிப்பிடத்தகுந்த திரைப்படத்தில் இயக்குநர் மணிரத்தினம் மூலம் அறிமுகமானவர் சரண்யா பொன்வண்ணன். இவரை, நல்ல முறையில் தனது திரைப்படங்களில் கையாண்டிருக்கிறார் இயக்குநர் சீனு ராமசாமி. 'தென்மேற்குப் பருவக்காற்று' திரைப்படம் மூலம் சிறந்த நடிகைக்கான இந்திய தேசிய விருதினைப் பெற்றுக்கொண்டவர் சரண்யா பொன்வண்ணன். அத் திரைப்படம் சிறந்த திரைப்படத்திற்கான இந்திய தேசிய விருதினைப் பெற்றுக்கொண்டதும் குறிப்பிடத்தக்கது.
http://www.youtube.com/watch?feature=player_detailpage&v=zUHG0uVYDCA
http://www.youtube.com/watch?feature=player_detailpage&v=-VBZQnEzppA
இயக்குநர் சீனு ராமசாமியுடன் (Sathyam Theatre) |
'தென்மேற்குப் பருவக்காற்று' திரைப்பட நடிகை சரண்யா பொன்வண்ணனுடன் (South Indian Film Chamber Theatre) |
'தென்மேற்குப் பருவக்காற்று' திரைப்பட நடிகர் விஜய் சேதுபதியுடன் (South Indian Film Chamber Theatre) |
'தென்மேற்குப் பருவக்காற்று' திரைப்பட நடிகர் ஒருவருடன் (South Indian Film Chamber Theatre) |
'தென்மேற்குப் பருவக்காற்று' திரைப்பட ஒளிப்பதிவாளர் செழியனுடன் (இயக்குநர் பாலாவின் செயலகம்) |
சென்னை திரைப்பட விழாவில், தென்மேற்குப் பருவக் காற்று திரைப்படக் குழுவினர் (South Indian Film Chamber Theatre) |